Желі ұстамайтын жерде де байланысқа шыға аласыз. «Wi-Fi арқылы қоңырау шалу» технологиясы жайлы толық ақпарат

Wi-Fi арқылы қоңырау шалу — смартфоныңызға кез келген Wi-Fi желісін базалық станция ретінде пайдалануға мүмкіндік беретін технология. Яғни, кәдімгі мобильді байланыс сияқты Wi-Fi арқылы да қоңырау шалып, қоңырау қабылдай аласыз.  
 
Бұл инновациялық шешім желі әлсіз ұстайтын аймақтардағы байланыс мәселесін шешуге көмектеседі.  
 
Қызметтің ыңғайлы тұстары:  
 

• Үйде, кеңседе немесе жертөледе мобильді желі нашар ұстаса, бірақ Wi-Fi бар болса, байланыстан ажырамайсыз.  
• Дыбыс сапалы болады — тұрақты интернет арнасының арқасында дауыс анық әрі таза естіледі.  
• «Wi-Fi арқылы қоңырау шалу» қызметін қолдану үшін ешқандай қосымша жүктемейсіз —  нөмірді әдеттегідей тере бересіз. Желі істемейтін жерде екеніңізді смартфон өзі анықтап, қоңырауды автоматты түрде Wi-Fi арқылы қосады. Қоңырау кезінде мегабайт емес, минуттар жұмсалады.  

 
«Wi-Fi арқылы қоңырау шалу» қызметін iPhone мен Android құрылғыларында қосу мен өшіру жолы  

Қызмет Altel-дің кейбір клиенттеріне сынақ режимінде қосылды. Смартфон реттеулеріне кіріп, қызметті қосып көріңіз:

 

Android: Реттеулер → Желі мен интернет / SIM-карталар мен мобильді желілер → SIM-картаны таңдау → Wi-Fi арқылы қоңырау шалу

 

iPhone:  Реттеулер → Ұялы байланыс → SIM-картаны таңдаңыз→ Wi-Fi арқылы қоңырау шалу

 

Сосын телефоныңыздан *292# пәрменін теріп, ашылған мәзірде қызметті қосыңыз.

 

Қызметті өшіру де дәл осы жолмен — реттеулер бөліміндегі ауыстырғыш тетік немесе *292# пәрмені арқылы жасалады.

 

Маңызды ақпарат: пилоттық тестілеу кезеңінде қызмет тек Қазақстан аумағында жұмыс істейді. «Wi-Fi арқылы қоңырау шалу» қызметін роумингте қосу мүмкіндігі жайлы кейінірек хабарлаймыз.